Kreu i Grupit të opozitës, Gazment Bardhi, i cili ka zhvilluar negociata me PS-në për zgjidhjen ngërçit politik, ka mohuar të jetë ulur në tryezë me kryeministrin Edi Rama apo të ndonjë të deleguar të tij.
Bardhi ka deklaruar se bisedimet janë zhvilluar vetë me institucionet brenda Kuvendit.
Lexo edhe :
Related Posts
Por theksoi se “nëse çështja kërkon ulje me përfaqësuesin e mazhorancës, qoftë ky Rama, nuk ka pasur kompleks opozita sa kohë është në rrugën e vet dhe objektin e vet të qartë”.
“Se di do të jetë objekti do ta shikoni nesër. Nuk ka asnjë ulje me Edi Ramën, as me ndonjë të deleguar nga Edi Rama. Edhe nëse çështja kërkon ulje me përfaqësuesin e mazhorancës, qoftë ky Rama, nuk ka pasur kompleks opozita sa kohë është në rrugën e vet dhe objektin e vet të qartë. Por në këtë proces nuk ka pasur ulje as me Edi Ramën dhe as me ndonjë të deleguar nga Edi Rama, jemi ulur me institucionet brenda Kuvendit, kryetaren e Kuvendit, kreun e grupit të PS dhe kryetarët e dy grupeve të opozitës.
Kemi diskutuar mbi nevojë që ka vendi për parlament funksional dhe nevojën që mazhoranca të respektojë të drejtat e opozitës.
Opozita ka rikthyer 12 tetorin, votimin arrogant të mazhorancës për rrëzimin e kërkesave të opozitës, ka rënë shkaku që opozita hyri në këtë betejë. Kushtet do të caktohen nesër, nuk kemi vendosur kushte. Do të zbatojmë Kushtetutën”, u shpreh Bardhi.