Deputeti socialist Plarent Ndreca u shpreh se Lefter Koka, Saimir Tahiri dhe Alqi Bllako nuk përfitojnë nga amnistia penale.
Në një intervistë për Euronews Albania, ai theksoi se amnistia ka kaluar në Komisionin e Ligjeve dhe sipas tij dhe Kuvendi do e miratoj.
Mes tjerash ai nënvizoi se edhe Enkelejd Alibeaj e ka votuar këtë projekt.
“Nga amnistia nuk përfiton as Saimir Tahiri, as Lefter Koka, as Alqi Bllako, sepse të gjithë këta që ti përmende janë nën hetim, janë në gjykim dhe nuk e kanë marrë vendimin në formë të prerë. Saimir Tahiri e ka kryer dënimin. Këta përfitojnë vetëm ulje dënimi me një vit burg. Barazia o funksionon për të gjithë ligjin, ose nuk funksionon fare. Amnistia ka kaluar në Komisionin e Ligjeve. Alibeaj në tërësi e ka votuar këtë projekt”-tha ai.