Kripa, një mineral i përbërë nga natriumi dhe kloruri, jo vetëm që ndihmon në përmirësimin e shijeve të ushqimit, por gjithashtu i sjell përfitime trupit në shumë mënyra.
“Kripa ndihmon në balancimin e elektrolitit në trup përveç rregullimit të niveleve të ujit”, tha Jinel Patel, dietologe. Dr. Dimple Jangda shtoi se kripa gjithashtu “pastron trupin, shpërndan kongjestionin , ndihmon tretjen, stimulon pështymë, rrit përthithjen e lëndëve ushqyese nga ushqimi ynë dhe ushqen sistemin nervor”.
Dr Dimple tha se: “Po, ne duhet të ndjekim një dietë pa kripë, por vetëm herë pas here për të pastruar trupin.”
Megjithatë, sipas Jinel Patel, “një dietë pa kripë nuk mund të këshillohet” derisa të ketë një gjendje mjekësore. “Në një pacient me sëmundje kronike të mëlçisë, ku natriumi dhe kaliumi kanë kapërcyer nivelet, atëherë kripa duhet të kufizohet në jo më shumë se 2 g në ditë për të shmangur akumulimin e lëngjeve.”
“Sasia e duhur e kripës ndihmon në mbajtjen e lagështisë në trupin tonë, duke mbajtur kështu kockat, muskujt dhe indet të hidratuara mirë”, shkroi më tej Dr Dimple.
Ajo sugjeroi ndër të tjera përdorimin e kripërave natyrale si kripa e Himalajeve, kripë guri, kripë deti, kripë e zezë.
Organizata Botërore e Shëndetësisë rekomandon konsumimin e më pak se 5 gram kripë në ditë. “Marrja e kripës prej më pak se 5 gramë për person në ditë rekomandohet nga OBSH për parandalimin e sëmundjeve kardiovaskulare.”