Gazetari Enton Abilekaj komentoi mbledhjen e deputetëve të PD-së pak ditë më parë.
I ftuar në emisionin “Now” në Euronews Albania, theksoi se mbledhja është vetëm një hap pozitiv për PD duke shtuar se nga ky bashkim duhet të krijohet një bërthamë legjitime që të organizojë proçesin zgjedhor.
Mes tjerash ai këshilloi se para zgjedhjeve të 2025 duhet të krijohen institucione që të njihen nga të gjitha palët.
“Opozita ka bërë aq shumë gabime sa është në pikët që mund të bëhet Edi Rama ai që vendos e emëron opozitën. Nëse do të kemi një bashkim me 44 deputetë dhe organizohet opozita, ky është një hap i parë që më në fund në parlament qeveria të ketë pak kontroll. Pse u bashkuan, kjo nuk do të thotë që deputetët e njohën Berishën për kryetar, kjo është vetëm fillimi. Nga ky bashkim mund të krijohet një bërthamë legjitime që të organizoj një proçes zgjedhor gjithë përfshirës brenda PD që më në fund kjo parti të ketë institucione që të gjitha palët i njohin para zgjedhjeve të 2025. Opozita ka nevojë që kjo që nisi të institucianlizohet urgjent dhe të reflektohet në PD dhe në opozitë”-tha ai.