Skandali i abuzimit me tenderat në ministrinë e Drejtësisë do të përfshijë dhe tre ish titullarë të këtij institucioni.
Mësohet se javës tjetër do të thirren në prokurori për të dhënë dëshmitë e tyre Petrit Vasili, Ylli Manjani dhe Gazmend Bardhi.
Përsa i përket procedurës, Vasili dhe Manjani nuk janë në hetim, por në proces verifikimi ku do të japin dëshmitë e tyre. Kontratat me të cilat është abuzuar janë ende në zbatim dhe për pasojë verifikime do të ketë dhe për ministren aktuale të Drejtësisë, Etilda Gjonaj.
Ndaj zyrtarëve dhe ish-zyrtarëve të Ministrisë së Drejtësisë kishte nisur prej muajsh një hetim, i cili u finalizua ditën e martë me caktimin e masave të sigurisë për 12 ish-zyrtarë.