“Campeon” (”Kampioni”), një qenush i moshës dy vjeç e dy muaj, u regjistrua dje në Atenas (Kosta Rika, rreth 35 kilometra nga kryeqyteti San Jose) si kafsha e parë në Amerikën Latine që është bërë objekt i keqtrajtimit dhe që merr pjesë në rolin e viktimës në procesin gjyqësor ndaj personit ka ushtruar dhunë ndaj tij.
Kryetari i gjykatës paralajmëroi se nuk do të toleronte asnjë formë konfuzioni në sallë, ndërsa Campeon ndoqi urdhrat: përveç një lehjeje të vogël, ai u soll mrekullisht në sallën e gjyqit.
Salla e vogël ku do të zhvillohej seanca dëgjimore në gjykatën e Atenas ishte pothuajse e mbushur plot me rreth 15 përfaqësues të medias, pjesës civile, prokurorët, dëshmitarët, e akuzuara dhe avokati i saj dhe banorët, (kryesisht gra në moshë) të pranishme për të mbështetur ”viktimën”.
”Seanca dëgjimore u mbyll pardje pasdite dhe do të rinisë të premten në mëngjes”, njoftoi prokuroria.
Presidentja e Fondacionit të Atenas në Ndihmë të Kafshëve të Braktisura, Dora Castro, sqaroi dje në gjykatë se ajo ishte vënë në dijeni nga një prej vëllezërve të pronares së qenushit të vogël, i cili i kishte dërguar një video ku shfaqej sesi ky i fundit keqtrajtohej.
