Aktorja Kate Winslet vlerëson se adoleshentët sot po rriten në shoqëri shumë më të seksualizuar, duke ekspozuar në rrjete sociale foto shumë larg asaj që duken në të vërtetë.
“Është i tmerrshëm fakti që fëmijët mund të kenë kaq akses në internet këto ditë. Ajo që më shqetëson më shumë janë idetë që u jepen djemve se si duket trupi i një vajze, sepse shumë prej tyre japin imazhe të pasakta. Pra, ato ndihen automatikisht të gjykuara ose të pasigurta. Një numër i madh i vajzave të reja po ndryshojnë në mënyrë dixhitale jo vetëm fytyrën, por edhe trupin e tyre në imazhet që hedhin në internet. Dhe kjo është jashtëzakonisht e trishtueshme. Sepse kur ai person më pas sheh veten në pasqyrë, nuk i pëlqen ajo që shikon.”