Deputeti i Partisë Demokratike ka reaguar pas qarkullimit të lajmit se ishte i shoqëruar në kafe me deputët Flamur Noka dhe Edi Paloka.
Gjekmarkaj sqaron se “qëndrimet dhe bindjet nuk i ngatërroj kurrë me raportet personale e njerëzore! Gjithmonë u flas kolegëve , pi kafe me ta, socialist e demokrat, të ” foltores” apo këdo tjetër. Nuk bëj luftë klasash, nuk mund ti ndaj unë në të mirë e të keqin!
Profesioni me ka bërë të pi një gotë verë me Sali Berishën, Edi Ramën, Ilir Metën e Lulzim Bashën e shumë të tjerë para se të bëhesha deputet! Do rri e do i flas kujtdo që ma do qejfi !
Dërguesit e kësaj fotografie të cilët i pashë kur ma bënë më bëjnë me qeshë me këtë “kapje mat” !! Gjej rastin të përsëris se dëshira ime është të bashkohet PD , të ketë gare dhe lider të ri !
Ky lider nuk duhet të jetë më Sali Berisha, nuk duhet të jetë më Lulzim Basha, e asnjëherë Agron Gjekmarkaj! Nëse Sali Berisha kthehet si kryetar i PD personalisht nuk do të jem më me atë parti”.