Ish kryeministri Sali Berisha është takuar sot me militantët e Rithemelimit në qytetin e Burrelit. Teksa prezantonte kandidatët e Primareve për Dibrën, Klosin e Matin ai ka ngritur akuza për kryebashkiakun Agron Malaj.
Vetëm pak orë pas tubimit kryetari i Bashkisë Mat i është përgjigjur Berishës, duke e akuzuar atë për dëmet e mëdha që i ka shkaktuar Shqipërisë gjatë qeverisjes.
“Shpifësi Sali është bërë për të ardhur keq sesi kantandiset një ish-Kryeministër”, shkruan Malaj në rrjetet sociale.
Postimi i Agron Malaj:
Sali Rrumpalla (non grata) nuk i ndali shpifjet as sot. Përsëri sot në Mat babai i Zeni Gërdecit, vjehrri i Jamarber kompleksit Partizani, Saliu i 1997-ës ku u vranë 7000 shqiptarë, Saliu i shkatërrimit të ushtrisë, arsimit, i shkatërrimit të Kombit Shqiptar, dhe i pabesisë ndaj Kosovës, pabesisë ndaj miqve e shokëve.
Saliu i politikës dështake, i 21 Janarit, spiun i Sigurimit të Shtetit. Saliu që gjithë jetën e kaloi me shpifje, me mashtrime sot ka mbetur pa Parti, pa moral, pa identitet.
Sot ti Sali organizon takime në salla të mbyllura se askush nuk e mbështet as atë dhe as kandidatët e tij pa moral, pa arsim, pa nivel. Shpifësi Sali është bërë për të ardhur keq sesi kantandiset një ish-Kryeministër.
Populli të njeh mirë ty dhe kandidatët e tu. Ti ke hyrë në historinë e Shqiperisë si njeriu që i ke sjellë dëme të pa llogaritshme popullit shqiptare, si në Politikën e Brendshme dhe në atë të Jashtme.
Je një turp i madh i shqiptarëve.
14 Maji do jetë shkatërrimi yt politik dhe i kastës tënde.