”Agroni ka thënë hidhem nga ballkoni po erdhi Saliu”, Murrizi: Jorida thoshte fundi i Berishës, por sot është këtu

Me tone të larta është zhvilluar diskutimi në mbledhjen e Këshillit Kombëtar të PD-së, që u mbajt këtë mbrëmje. Ish-deputeti Myslym Murrizi ka folur gjatë mbledhjes me tone të ashpra, ku e ka cilësuar si të pamoralshme bashkimin me të rikthyerit nga Basha drejt Berishës. ”Jorida dikur thoshte fundi i Berishës, ndërsa sot është këtu”,-tha Murrizi. ”Do mërziteni nga ajo që do të them, por nuk e kam problem. Është gabim që i keni nxjerr mediat jashtë. Berisha tha “sulm”, por ne e kemi trajnerin me të kuqe. Me çfarë ta bëjmë sulmin me mbrojtës? Kush ka për të gjuajtur nga ju? Berisha i ka bërë listat e drejtuesve politikë, por ke qenë ti Flamur që i ke fryrë në vesh. E kemi parë në media me kohë listën e drejtuesve të qarqeve. Agron Gjekmarkaj ka thënë do hidhem nga ballkoni po erdhi Berisha. Si mund të motivohen demokratët? Ne e nisëm foltoren që të ketë vlerë vota”,-tha më tej Murrizi.