Ish-numri dy i qeverisë, Arben Ahmetaj dha mbrëmë një intervistë me akuza të forta në ”SyriTV”. Mes të tjerash, Ahmetaj hodhi dyshime edhe për prokurorët e SPAK. Sipas tij, njëri prej tyre ka marrë një shtëpi nga një organizatë fetare.
Çim Peka: Jeni konkret, flisni me emra. Ky prokuror është Altin Dumani, që ka marrë dhuratë shtëpinë e tij nga një organizatë fetare.
Arben Ahmetaj: Nuk e di, ma thanë. Ky duhet parë. Po ky tjetri që ka të njëjtën vilë me gjysmën e çmimit, që e ka blerë familja e Eriolës. A duhet parë…
Çim Peka: Arben Kraja …
Arben Ahmetaj: Nuk e di. Këta janë turrur kundër meje. I ka turrur Edi Rama kundër meje. Këtë fjalë doje që të thosha. Unë këtë fjalë e kam pasur këtu, që ditën e parë. E kam thënë tek ‘Opinion’, por nuk isha i bindur.