Një aksident i rëndë ka ndodhur pasditen e sotme në Ostren të Madh, ku një automjet tip Toyota ka dalë nga rruga dhe ka përfunduar në një përrua në rrugën që lidh Ostren-Lagjia Guri.
Banorët e zonës ishin të parët që pikasën ngjarjen dhe lajmëruan policinë dhe ambulancën. Dy personat e plagosur u transportuan menjëherë drejt spitalit të Bulqizës për ndihmë mjekësore.
Sipas raportimeve nga mjekët, njëri prej të aksidentuarve ka marrë plagë të rënda dhe është transferuar për trajtim më të specializuar në spitalin e Peshkopisë. Policia ka nisur hetimet për të përcaktuar shkaqet e aksidentit.