Tre makina janë përfshirë mëngjesin sotëm në një aksident në Tiranë.
Siç shihet nga pamjet e siguruara nga Neësbomb.al, në aksident janë përfshirë tre automjete. Një fouristradë ka përplasur fillimisht një mjet taksi, që shërben për hotel Rogner, ndërsa kjo e fundit është përplasur me një tjetër taksi që ndodhej para saj.
Aksidenti ka ndodhur në bulevardin “Dëshmorët e Kombit”, pranë ish hotel Dajtit. Përplasja është regjistruar pranë semaforit që ndodhet në këtë zonë, ndërsa nuk raportohet për të lënduar në njerëz por vetëm dëme materiale, që siç shihet janë të konsiderueshme.
Ndërkaq, ne vendngjarje ndodhet policia, dhe po punon për zbardhjen e plotë të shkaqeve të këtij aksidenti.
