Një ngjarje tragjike është regjistruar pasditen e djeshme në aksin rrugor “Tepelenë–Bënç”, ku një i ri 25-vjeçar ka humbur jetën pas një aksidenti me motomjetin që drejtonte.
Sipas të dhënave paraprake, shtetasi E.Q., duke drejtuar motorin dyshohet se ka humbur kontrollin dhe për pasojë ka pësuar dëmtime të rënda.
I riu u transportua menjëherë në spital për ndihmë mjekësore, por pavarësisht përpjekjeve të mjekëve, ai ndërroi jetë në mbrëmje si pasojë e plagëve të marra. Në vendngjarje ndodhet grupi hetimor, i cili po punon për të zbardhur shkaqet dhe rrethanat e aksidentit.
Njoftimi i Policisë:
Pasditen e djeshme, në aksin rrugor “Tepelenë-Bënç”, shtetasi E. Q., 25 vjeç, duke drejtuar motomjetin, dyshohet se ka humbur kontrollin, është rrëzuar dhe për pasojë u dëmtua dhe u dërgua në spital për ndihmë mjekësore.
25-vjeçari ka humbur jetën në spital në mbrëmje, si pasojë e plagëve, pavarësisht ndihmës mjekësore.
Grupi hetimor po kryen veprimet për zbardhjen e rrethanave dhe shkakut të aksidentit.