Një aksident tragjik ka ndodhur këtë mëngjes në aksin rrugor Gjirokastër-Tepelenë.
Mësohet se një 62-vjeçar ka humbur kontrollin e makinës dhe ka humbur jetën në vendngjarje.
“Gjirokastër/Informacion paraprak
Rreth orës 05:10, në aksin rrugor “Gjirokastër-Tepelenë”, në afërsi të “Urës së Kardhiqit”, shtetasi Q. N., 62 vjeç, banues në Gjirokastër, duke drejtuar automjetin, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Shtetasi Q. N., ka humbur jetën në vendngjarje.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit”, njofton policia.