Artisti i njohur i skenës shqiptare, Alban Skënderaj është kthyer pas në kohë dhe ka kujtuar një prej performancave të tij në koncertin recital të mbajtur disa muaj më parë.
“Nje nga gjerat qe me mungon me shume! Por do rikthehemi, edhe me te forte!”, ka shkruar Albani krah videos ku shihet se si gjithë pallati i Kongreseve ka kënduar njëzëri me të këngën ‘Vetëm ty’.
Me siguri Albanit i mungon shumë kjo periudhë kur ka mundur të performojë për një publik aq të madh, i cili i ka dhuruar gjithmonë shumë emocione dhe e ka duartrokitur fort punën e tij.
Megjithatë pas periudhës së vështirë të krijuar për shkak të pandemisë ‘Covid-19’, me siguri Skënderaj do të vijë me një tjetër projekt të madh muzikor që do e sjellë sërish pranë fansave.