Edhe pse një gjë e tillë është krejtësisht e rremë, sepse të pish alkool nuk të bën imune ndaj koronavirusit, Albana përshëndet të gjithë ndjekësit e saj me një gotë rakie në dorë.
Albana Osmani ka nisur të pijë raki, pasi rrjetet sociale u mbushën me shpërndarje të shumta ku thuhej se alkoli e mban larg Covid-19. Edhe pse një gjë e tillë është krejtësisht e rremë, sepse të pish alkool nuk të bën imune ndaj koronavirusit, Albana përshëndet të gjithë ndjekësit e saj me një gotë rakie në dorë.
“Një gotë raki në dotë e mban doktorin larg. Gëzuar nga Shqipëria me raki. Më thanë pi raki dhe do jesh mirë,”– shprehet Osmani në video.
Gjithsesi, mos e ndiqni shembullin e Albana Osmanit. Numri i të prekurve me koronavirus në Shqipëri ka shkuar në 10. Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në nr.127 dhe të mos shkojnë direkt në spitale. Rama një ditë më parë dha urdhërin që të mbyllen institucionet e arsimit me dy javë dhe të anulohen të gjitha aktivtetet deri më 3 prill. Shahini shtoi se mësimi do të zhvillohet online me anë të platformës Akademia.al. Ajo që këshillohet është higjiena maksimale dhe shmangia e vendeve që grumbullohen shumë njerëz.