Ky fshat magjik është i vendosur mes ullishtave dhe vreshtave piktoreske të Puglia-s, në Bari të Italisë.
Shtëpi të ndërtuara me gur të thatë, dikur simbol i të varfërve në Puglia, tashmë janë bërë objekti më tërheqës si shtëpi pushimi për europianët e pasur, të magjepsur nga forma dhe historia e tyre.
Ndërtesa të rrumbullakëta prej guri me çati konike, ato janë po aq magjike sa janë edhe historike. Të njohura me emrin Trulli, ato janë imazhi tregtar i Pulias – nuk ekzistojnë asgjëkundi tjetër, veçse në Luginën e Itrias.
Mbi një mijë struktura gëlqerore të tilla qëndrojnë nëpër Alberobello dhe janë funksionale si shtëpi dhe dyqane.
Legjenda thotë se në vitet 1600, kur për fshatarët e zonës ekzistonte një taksë për ndërtesat e reja, ata ndërtuan Trulli-n në mënyrë që t’i çmontonin lehtë kur vinin inspektorët dhe t’i rindërtonin shpejt pasi ata të largoheshin.
