Albert Nikolla është caktuar anëtar i Autoritetit për Informimin mbi Dokumentet e ish-Sigurimit të Shtetit, i njohur ndryshe si komisioni për hapjen e dosjeve.
“Në mbështetje të nenit 100 të Kushtetutës dhe të shkronjës “b”, të pikës 1, të nenit 8, të ligjit nr.45/2015, “Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë”, të ndryshuar, me propozimin e Kryeministrit, Këshilli i Ministrave
V e n d o s i:
Propozimin Kuvendit të Republikës së Shqipërisë të z. Albert Nikolla për anëtar të Autoritetit për Informimin mbi Dokumentet e ish-Sigurimit të Shtetit. Ky vendim hyn në fuqi menjëherë”, thuhet në vendimin e Këshillit të Ministrave.
Nikolla është zëvendësministër i Shëndetësisë dhe Mbrojtjes Sociale. Ai ka mbaruar fakultetin e dytë në Itali për Filozofi e Teologji, Masterin në Etikë Politike dhe Doktoraturën në Antropologji Kulturore. Nga 2010-2013 ka qenë Drejtor i Caritas i Shqiptar dhe anëtar i Komisionit të Politikave Sociale të Caritas-it Europian në Bruksel.