Kreu i PD-së Lulzim Basha i pyetur për lëvizjen e fundit të aleatëve të tij tha se disa nga pikat e tyre janë pjesë e programit të koalicionit opozitar, duke e quajtur tryezën e Presidentit si çështje tjetër që “janë detaje të parëndësishme”.
“Nuk ka asnjë momspërputhje mes qëndrimeve të PD dhe koalicionit tonë ka përfunduar javën e kaluar një dokument të detajuar dhe do ta paraqesë atë në mënyrë publike. Një pjesë e mirë e pikave që aleatët kanë shpalosur sot janë dhe të programit tonë. Çështje të tjera janë detaje të parëndësishme, zotimi i gjithë koalicionit opozitar është regjstrimi në zgjedhje kur të ketë vërtetë zgjedhje, kusht i vetëm është largimi i Ramës nga qeveria”, tha Basha.
Kandidatët e Partisë Demokratike do t’i nënshtrohen një procesi jo vetëm për integritetin moral, por dhe shkallës së përgatitjes për t’iu përgjigjur nevojave të qytetarëve tha Basha pas takimit me politikanë amerikanë që po asistojnë Partinë Demokratike.
“Po avancojmë për kandidatët që do i nënshtrohet një procesi për integritetin moral dhe shkallën e përgatitjes për t’iu përgjigjur nevojave të përfaqësuesve të popullit. Në këtë mënyrë do të bëjmë një transformim të thellë të skenës politike shqiptare. PD është e para që e bën këtë”, tha Basha