Gazetari i njohur gazetari Aleksandër Çipa ka komentuar propozimet e Partisë demokratike për ndryshimet kushtetuese dhe ka analizuar arsyet se pse Basha po i shfrytëzon këto ndryshime edhe për të sfumuar rolin e Berishës në PD.
“Për të eklipsuar debatin e brendshëm në parti, Basha po merr përsipër reforma konstitucionale. Ndryshimet kushtetuese Basha po i sheh edhe si mjet në përballjen me kundërshtarin e brendshëm Berishën. Basha me ndryshimet kushtetuese po luan kartën e tërheqjes së vëmendjes, pasi e nxjerr “atin e mohur” Berishën si një njeri që kërkon që të gjenerojë tranzicion, ku dikur gjeneronte tranzicionin kombëtar, tani po gjeneron atë brenda partisë dhe këtë kumt kërkon ta transmetojë. Gjë që u tha edhe në artikulimin e tij publik që mbajti sot Basha, indirekt edhe tërthorazi”, u shpreh Çipa i ftuar në emisionin ‘Shqip’.