Shumë njerëz e mirëpresin fillimin e pranverës, por me flladet e ngrohta vjen dhe poleni së bashku me sporet e mykut që lëvizin nëpërmjet ajrit. Dhe nëse ju jeni një nga shumë personat që vuajnë nga alergjitë stinore me siguri që i ndieni ato në çdo frymëmarrje. Alergjitë e mbingarkojnë sistemin imunitar të trupit duke shfaqur simptoma të tilla si, kullimi i hundëve, tështimat dhe irritim të lëkurës. Gjatë pranverë, e cila fillon saktësisht në muajin mars, alergjentët si poleni dhe sporet e mykut shkaktojnë alergji tek më shumë se 60 milion veta, vetëm në SHBA.
“Pranvera është stina e polenit të pemëve“, thotë James Li, doktor i specializuar për astmën dhe alergjitë. Pemët mund të shkaktojnë alergji me anë të polenit të tyre i cili është shumë i lehtë dhe mund të udhëtojë nëpërmjet puhizave të ajrit. Disa nga llojet e pemëve që shkaktojnë alergji në pranverë janë:
Lisi;
Pema e panjës;
Arrat;
Ahu;
Plepi
Pemët e lëshojnë polenin e tyre çdo vit në pranverë, dhe nëse jeni alergjik ndaj tyre do të shfaqni simptomat e alergjisë në ditët e ngrohta dhe do të ndiheni pak më mirë në ditët kur bie shi.
Si të mbroheni nga alergjitë e stinës së pranverës?
Ju mund të mbroheni nga alergjitë e pranverës duke i mbajtur dyert dhe dritaret mbyllur, duke përdorur filtra antialergjik për ajrin e kondicionuar. Gjithashtu është e rëndësishme të ndërroni rrobat dhe të laheni sa herë që ktheheni në shtëpi nga vende ku mund të jeni ekspozuar ndaj polenit. Por mund të flisni dhe me doktorin tuaj për të marrë medikamente për të zbutur simptomat