Deputeti demokrat, Tomor Alizoti, u shpreh mbrëmjen e sotme në emisionin “Zonë e Lirë” se politika nuk është çështje gjykatash, por çështje votash.
“Sali Berisha tregoi me 6 mars se kishte shumicën. Në Gjykatë nuk shkohet për bashkim, por për ndarje. Unë e kam thënë që Berisha kishte shumicën, ndaj më duket se pakuptimtë kjo loja që po tenton të bëjë Enkelejd Alibeaj me gjykatat”, tha Alizoti.
Ai u shpreh se politikisht rryma e Lulzim Bashës tregoi se ishte asgjëja dhe se nuk bën sens asnjë lloj ankimimi në gjykata, pasi në fund të fundit, partitë politike janë një bashkim vullnetesh.
“De fakto Berisha sot hyri në Partinë Demokratike, ky është realitet, pavarësisht se çfarë do Enkelejd Alibeaj, unë apo kushdo tjetër”, tha Alizoti.
Ai tha se njerëzit brenda PD po ndjekin Berishën dhe ky është një tjetër fakt.
Alizoti tha se me sjelljen që po shfaq ky grupim i Bashës po humbasin edhe shanset e fundit, atë të një negociate që ata mund të mbeten si fraksion.