Ish-kryebashkiaku i Kukësit, Safet Gjici dhe 40-vjeçarja Alma K, e cila ishte në videoskandalin e Gjicit do të dalin sot para Gjykatës për t’u njohur me masën e sigurisë. Alma sapo ka mbërritur në ambientet e Gjykatës.
Ajo do të njihet me masën e sigurisë pasi u la në arrest shtëpie të shtunën për “Korrupsion aktiv të funksionarëve të lartë shtetërorë ose të zgjedhurve vendorë”. Interesimi i mediave është mjaft i lartë. Kaçi e cila ka vendosur një kapele në kokë, pasi zbret nga makina e policisë, mban një çantë para që të mos i dallohet fytyra.
Prokuroria kreu një sërë verifikimesh për rastin, duke ngritur në përfundim akuzat e korrupsionit për të dy të hetuarit. Akuza ndaj ish-kryebashkiakut parashikon një dënim nga 4-12 vjet. Ndërsa ajo ndaj Alma Kaçit nga 1-5 vjet burgim.
