Ngjarja tragjike në Shkodër, ku nëna bashkë me tre fëmijët i dhanë fund jetës duke u mbytur në lumin Buna, vijon që të jetë e veshur me mister. Deri tani është gjetur trupi i vajzës 9-vjeçare e cila sot u përcoll për në banesën e fundit, ndërsa vazhdojnë kërkimet për të gjetur 39-vjeçaren Alma Arrazi dhe dy të miturit e tjerë.
“Jemi të lënduar dhe shokuar, nuk ia falim nuses vendimin fatal, duke i marrë jetën vetes dhe tre fëmijëve. Erdgysi i kishte pikë të dobët fëmijët, ai nuk i ka keqtrajtuar asnjëherë. Punonte gjithë ditën në dyqan celularësh, për t’i dërguar në shkolla private”, shprehen familjarët e burrit të Almës.
Lexo edhe :
Related Posts
Sipas tyre, çifti kohët e fundit kishte pasur debate dhe Alma merrte ilaçe për gjendje të rënduar emocionale. Por kjo alibi është bërë vetëm nga Erdgysi dhe familjarët e tij, pasi spitali i Shkodrës nuk konfirmon se 39-vjeçarja merrte mjekimi për problemet me shëndetin mendor.
Dhuna në familje dyshohet të jetë bërë shkak që nëna me 3 fëmijët t’i japë fund jetës duke u vetëmbytur. Bashkëshortja me tre fëmijët kishin dalë me kunatën, nusen e vëllait të Ergysit dhe më pas janë ndarë në mënyrë të qetë, pa ngritur asnjë dyshim për aktin fatal që Alma Arrazi do të ndërmerrte. E reja kishte mësuar së fundmi një tradhti bashkëshortore nga i shoqi.
Qytetarët e Shkodrës kanë hedhur lule në lumin Buna. Nënkryetarja e Bashkisë Shkodër, Teuta Qyteza, u shpreh e pikëlluar për tragjedinë që k a ndodhur në këtë qytet. Forcat e Armatosura janë në gatishmëri të plotë sa herë është e nevojshme në ndihmë të qytetarëve dhe komunitetit.
