Para disa javësh, Fernando Alonso vendosi të shiste makinën e tij Ferrari Enzo, nëpërmjet një ankandi në Monako, por askush nuk e bleu.
Bëhet fjalë për një makinë të veçantë, ajka e modeleve të reja të markës italiane, me një motor V12 që jep 660 kuaj fuqi dhe që e bëjnë këtë makinë të arrijë një shpejtësi maksimale prej 350 km/h.
Kjo “bishë” është prodhuar në vetëm 400 njësi, disa prej të cilave janë blerë nga personazhe si Eric Clapton, Nicolas Cage apo Rod Stewart. Gjithashtu, kjo makinë ka dy detaje që e bënin tërheqëse për koleksionistët. E para, fakti që ka qenë në pronësi të një kampioni të Formula1. E dyta, bëhet fjalë për njësinë e parë të prodhuar të Ferrari Enzo.
Duke marrë parasysh këto, Alonso kishte parashikuar se makina do të shitej për 5 milionë euro, por kjo shifër nuk u ofrua nga askush dhe Alonso e mori sërish në shtëpi makinën e tij.