Arrestimi i gazetarit Hermes Nikajt, i njohur si ‘Zogu i Tiranës’ si i përfshirë në skemën e prostitucioni ka bërë mjaft bujë ditën e sotme. Në lidhje me këtë arrestim ka reaguar edhe gazetarja Beti Njuma, e cila nëpërmjet një postimi në Facebook ironizon operacionin e policisë, duke shkruar: “Amin që ka zogj Tirone që policia të zbardhë detaje të rëndësishme”.

“Amin që ka zogj Tirone që policia të zbardhë detaje të rëndësishme (pa i nxjerrë Klod Lala dhe Tan Hoxha) dhe të ketë me ç’të krenohet në bilancin e fundvitit”, shkruan gazetarja Beti Njuma.

Ditën e sotme policia arrestoi Hermes Nikaj dhe tre persona të tjerë pas një hetimi për ‘shfrytëzim prostitucioni’ dhe prostitucion në qendrat estetike dhe klubet e natës. Dyshohet se nga grupi në të cilin bënte pjesë Nikaj ofronte edhe shërbimin eskortë.