Analisti Skënder Minxhozi tha se ish-kryeministri Sali Berisha ka treguar se ka shkelur të gjitha ligjet, dhe se është ende në rolin e tij të vjetër.
“Për arrogancën e SPAK, jam dakord që është një temë që mund të diskutohet. Por mbrojtjen e Berishës nuk e besoj. SPAK-u po heton politikanin më të lartë të shpallur “non-grata” nga SHBA. Kjo është një ngjarje e vjetër, një dosje gati dy dekada”, u shpreh Minxhozi.
Skënder Minxhozi: Ky person nuk ka dëshmuar kurrë në drejtësi, ka shkelur në mënyrë flagrante ligjet. Ka bërë luftë me më shumë se sa një prokuror të përgjithshëm dhe është ende në rolin e tij të vjetër. Tre instanca shumë të larta të këtij vendi thotë nuk janë të mjaftueshme. Edhe për arrogancën e SPAK mund të flasim. Dhëndri i Berishës është mbajtur padrejtësisht në atë masë sigurie dhe ka dalë në një masë tjetër. Mund të ketë qëndrime subjektive, pretendime të palëve në raport me proçese apo akuza të ndryshme të ngritura nga SPAK, por i kemi të ekzekutuara. Nëse ne gjejmë një pikë tjetër referimi përveçse asaj që quhet procedurë, jemi në kallamishte”, tha ai, duke shtuar: “Drejtësia në Shqipëria nuk ka vepruar më shumë se ç’duhet, ka vepruar më pak se ç’duhet.