Turqia ka lajmëruar ditën e sotme se do të shtyhet anëtarësimi i Suedisë dhe Finlandës në NATO për më shumë se një vit, nëse nuk merr garanci të kënaqshme se dy vendet nordike janë të gatshme të adresojnë mbështetjen për grupet kurde që i konsideron si organizata terroriste, raportoi të martën The Guardian.
Kryeministri i Finlandës tha se aplikimet e dy vendeve në NATO mund të ngecin nëse çështja nuk zgjidhet përpara një samiti të NATO-s që do të nisë në Madrid më 29 qershor.
Turqia akuzon Suedinë dhe Finlandën se strehojnë anëtarë të dyshuar të Partisë së Punëtorëve të Kurdistanit (PKK) dhe gjithashtu kundërshton vendimet e tyre të vitit 2019 për të ndaluar eksportet e armëve në Ankara për shkak të operacioneve ushtarake të Turqisë në Siri.
“Kjo është një çështje e interesit jetik kombëtar dhe ne jemi të përgatitur të parandalojmë anëtarësimin e tyre për aq kohë sa një vit nëse është e nevojshme”, tha Akif Çatay, deputet i partisë në pushtet për Drejtësi dhe Zhvillim.