Një foshnjë gjashtë muajshe dhe pesë të tjerë janë vrarë në një vrasje brutale që mendohet se është kryer nga anëtarë të rrezikshëm të një karteli. Nëna adoleshente e foshnjës dhe një grua e moshuar ishin gjithashtu në mesin e atyre që u vranë gjatë sulmit të së hënës (16 janar), i cili ndodhi brenda një shtëpie në Kaliforni.
Sherifi i Qarkut Tulare, Mike Boudreaux tha se dhuna vjen nga anëtarët e karteleve, por nuk theksuan se kanë identifikuar një organizatë të caktuar.
Vrasja ndodhi rreth orës 3:30 të mëngjesit në qytetin e Goshen, në qarkun Tulare, me një zëvendës sherif që shkoi në vendngjarje pasi mori njoftime për të shtëna me armë zjarri . Disa nga viktimat, përfshirë foshnjën, u qëlluan në kokë. Oficeri që shkoi në vendngjarje e gjeti foshnjën në krahët e nënës së saj 17-vjeçare. Të dy kishin plagë me armë zjarri në kokë.
Autoritetet po kërkojnë dy të dyshuar në lidhje me vrasjet dhe besojnë se vrasjet mund të kenë qenë të lidhura me një urdhër kontrolli që u krye në pronë javën e kaluar që rezultoi në një arrestim dhe sekuestrimin e armëve, kanabisit dhe metamfetaminës.