Këshilli i Mandateve do të mblidhet sot në Kryesinë e Kuvendit, për të diskutuar për kërkesën e SPAK-ut për arrestimin e Sali Berishës. Ky këshill përbëhet nga 10 deputetë, me përfaqësim të barabartë mes shumicës dhe pakicës parlamentare dhe drejtohet nga Kryetarja e Kuvendit, Lindita Nikolla.
Që mbledhja të jetë e vlefshme të pranishëm duhet të jenë jo më pak se 5 anëtarë. Kjo do të thotë se mazhorancës i mjaftojnë 5 anëtarët e saj për të plotësuar kuorumin.
Lexo edhe :
Related Posts
Ky këshill nuk voton, por brenda 2 javëve përgatit një raport, në të cilin rekomandon rrëzimin ose miratimin e dhënies së autorizimit për caktimin e masës së sigurimit të arrestit në burg ose në shtëpi për Sali Berishën siç kërkon SPAK dhe më tej i përcillet Kuvendit për votim të hapur në seancë plenare ku nëse zgjedh, mund të mbajë fjalë vetëm deputeti ndaj të cilit është paraqitur kërkesa.
Këshilli për Rregulloren, Mandatet dhe Imunitetin
Lindita Nikolla, kryetare-PS
Klotilda Bushka-PS
Ermonela Felaj-PS
Arben Pëllumbi-PS
Bledi Çuçi-PS
Gazment Bardhi-PD
Enkelejd Alibeaj-PD
Oerd Bylykbashi-PD
Greta Bardeli-PD
Saimir Korreshi-PD
Anëtarë zëvendësues
Xhemal Qefalia
Klevis Xhoxhi
Blerina Gjylameti
Dhurata Tyli Çupi