Indrit Hoxha, anëtari i Komisionit të Rithemelimit ka ironizuar me kryetarin e shkarkuar Lulzim Basha dhe pretendimet e tij se kishte të pranishëm 5004 delegatë në Kuvendin e te shtunës.
Hoxha shkruan se nuk ka nevojë të numërojmë karriget për të kuptuar që shumica e demokratëve mbështesin Berishën.
Madje ai e sfidon publikisht Bashën që të përballet live, para kamerave jo me lista emrash pa funksione e adresë dhe të “demaskojnë” publikisht Sali Berishën nëse ka mashtruar.
“Nuk ështe nevoja as të numërojmë karriget në pallatin e kongreseve, as delegatët e kuvendit të datës 11 dhjetor apo takimit të Bashës me 18 dhjetor, që shumica e demokratëve janë pozicionuar dhe mbështesin lëvizjen e Sali Berishës kjo tashmë është e padiskutueshme. Kush i ka vërtetë delegatët dhe kë mbështesin demokratët në këtë lëvizje?
Le të vijnë të përballemi në bazë, me njerëzit, bashkë me kamerat, LIVE, jo me lista emrash pa funksion e pa adresë…
Aty, LIVE le të tregojnë se kush janë delegatët, kryetarët e seksioneve e grupseksioneve, anëtarët e kryesive që i mbështesin, dhe të “demaskojnë” publikisht Sali Berishën nëse ka mashtruar..
Përballja ne baze dhe vota është mjeti i vetëm demokratik te cilëen lëvizja e “Foltores” ka mbi 3 muaj qe po e shtyn përpara këtë gjë që të rikthehet në PD mbas të paktën 8 viteve të fundit.”