Këtët të enjte do të vendoset nëse ankimi i qeverisë ”Rama 4” në Gjykatë Kushtetuese për shfuqizimin e masës së pezullimit nga detyra të zv/kryeministres Belinda Balluku, do të kalojë për gjykim apo jo.
Gjykata Kushtetuese e la ende në pritje verdiktin për çështjen Balluku. Tre gjyqtarët Sandër Beci, Marsida Xhaferllari dhe Sonila Bejtja nuk arritën dot unanimitet për të vendosur nëse ankimi i kryeministrit Rama do të kalojë për shqyrtim dhe çështja i kaloi Mbledhjes së Gjyqtarëve.
Me firmë të kryeministrit Edi Rama, më 21 nëntor Këshilli i Ministrave çoi për apelim në Gjykatën Kushtetuese vendimin e Gjykatës së Posaçme për pezullimin nga detyra të ministres së Infrastrukturës dhe Energjisë, njëherazi zëvendëskryeministre. Katër janë kërkesat e qeverisë, që si fillim kërkon nga “Kushtetuesja” të ndajë se ku fillon e ku mbaron “pushteti i drejtësisë” nga njëra anë dhe “pavarësia e ekzekutivit” nga tjetra.
Balluku ka ankimuar në Gjykatën e Posaçme të Apelit vendimin e Shkallës së Parë për pezullimin e saj dhe masën tjetër të sigurisë, atë të “daljes jashtë vendit”. Në Apel, Balluku kërkon prishjen e vendimit të shkallës së parë dhe shfuqizimin e masave të caktuara ndaj sa