Ka nisur seanca në Apelin e Posaçëm, pas ankimimit të masës së sigurisë së Ilir Metës e Monika Kryemadhit.
Monika Kryemadhi ka mbërritur në Gjykatë e shoqëruar nga vajza e saj.
Kryemadhi ka ankimuar masën e sigurisë “detyrim paraqitje”, ndërsa Ilir Meta masën e sigurisë “arrest me burg”.
Deputetja e Partisë së Lirisë, Monika Kryemadhi po hetohet nga SPAK për tre akuz,a pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA. Po për këtë dosje po hetohet edhe bashkëshorti i saj, Ilir Meta.
Aktualisht Ilir Meta ndodhet në qeli, pasi ndaj tij SPAK ka caktuar masën e sigurisë arrest me burg.