Gazetari Arjan Çani tha në emisionin ‘Now’ se Edi Rama ka arritur në atë pikë që askush nuk mund t’i imponohet dhe është në rrugën e duhur drejt mandatit të katërt.
Sipas tij, Rama po përpiqet të imitojë modele të vendeve të tilla si Turqia, Serbia apo vendet latine dhe synimi i tij është të shkojë në mandatin e katërt pa pasur asnjë opozitë si pengesë.
“Gjithë vendet që na ngjasojnë ne janë Turqia, Serbia, vendet e Amerikës Latine. Ka modele të tilla që Rama ka shumë dëshirë t’i imitojë dhe është në rrugën e duhur se unë nuk shoh barriera, nuk shoh që Rama të tërhiqet. Pse mos të vendosë opozitën që do ai? Kush do ta pengojë? Rama do të shkojë në mandatin e katërt sa më i qetë. Këta faktorë që po e shqetësojnë të jenë sa më minimalistë dhe këtu po shkon”, tha Çani.