Analisti Arjan Curri thotë se rastet si ai i një vajze me shami, e cila u refuzua punësimi në Big Market, duhen denoncuar edhe në gjykatë, jo vetëm në media. Në studio Curri solli si referencë një përvojë personale.
“Fytyra jonë e vërtetë është totalisht diskriminuese. Akoma nuk kemi mësuar si popull dhe shoqëri bindjet dhe besimin e tjetrit. Përkrah denoncimit mediatik duhet bërë edhe denoncim gjyqësor. Kam pasur vetë një rast, ku pronari i një institucioni të lartë arsimor bëri çmos të më largonte sepse nuk iu binda kur më kërkoi të flisja në televizion ato që më porosiste ai. E çova në gjyq dhe jam dëmshpërblyer me 23 milionë lekë të vjetra. Njerëzit duhet të këmbëngulin. Duhet denoncuar me emra dhe mbiemra. T’u bëjmë vetingun e medias. Nuk ka pse një vajzë e mbuluar të bezdisë pronarin e një kompanie”, tha Curri.