Një burrë që ka pasur akuzat e Scarlett Johansson për përndjekje është arrestuar pasi dyshohet se ka kërcënuar me shpërthimin e një bombe në studion e emisionit “Saturday Night Live”.
Michael Branham, i cili u ndalua nga policia e New Yorkut të mërkurën, ka dërguar një mesazh kërcënues për një bombë të vendosur në studio, ku Colin Jost, bashkëshorti i aktores që nga viti 2020, punon.
Branham, i cili u deklarua i pafajshëm për raportimin e rremë dhe kërcënimin me bombë, dyshohet se e ka dërguar mesazhin në një kolegj në Connecticut, ku administratori e raportoi menjëherë kërcënimin në polici.
Ai është mbajtur në burg me kusht prej 100 mijë eurosh.
Një lidhje me incidentin mund të jetë një kërkesë e Scarlett Johansson për një urdhër ndalimi ndaj Branham, pas akuzave për përndjekje që aktorja kishte bërë në nëntor të vitit 2023.
Aktores dyshohet se i është vënë në ndjekje që nga gushti i vitit 2022, megjithatë nuk është konfirmuar ende nëse ky është i njëjti person që bëri kërcënimin me bombë.
Gjykata kishte refuzuar kërkesën e Johansson për ndalim vitin e kaluar, për shkak të problemeve me dorëzimin e dokumenteve.
Pavarësisht kësaj, Branham ka shpërndarë postime në rrjetet sociale, përfshirë një selfie me një tatuazh që përmban emrin e aktores.