Policia e Këlcyrës ka arrestuar një 20-vjeçar me iniciale S.N, pasi theu arrestin e shtëpisë.
20-vjeçari është dënuar nga gjykata e Përmetit për veprën penale “Marrëdhënie seksuale me dhunë me të rritura”.
“Shërbimet e Postës së Policisë Këlcyrë bënë të mundur kapjen dhe ndalimin e shtetasit S. N., 20 vjeç, banues në Këlcyrë, i cili ishte shpallur në kërkim pasi duke u larguar nga banesa, theu masën e sigurisë “Arrest në shtëpi”, të caktuar nga Gjykata e Shkallës së Parë Përmet, për veprën penale “Marrëdhënie seksuale me dhunë me të rritura””, thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Përmet, për veprime të mëtejshme.