Kryeministri Edi Rama ka folur për protestën e studentëve nga punimet e Asamblesë Kombëtare të PS. Rama përsëriti se protesta e tyre disaditore në Tiranë dhe qytete të tjera të vendit ishte një shuplakë për qeverinë.
Rama tha se shuplakës së studentëve i kishte kthyer faqen tjetër, por shtoi se kjo qeveri është mundësia e vetme për studentët.
Përtej halleve nëpër plot familje, kushteve shpesh të rënda në konvikte, indeferencës dhe mosbesimit ndaj politikës, pjesa dërrmuese e atyre vajzave dhe djemve, edhe kur çirreshin para fytyrës sime, unë i mirëkuptoja. Ata shohin te ne sepse jemi e vetmja mundësi e tyre politike. Një shuplakë për të gjithë ne, ndaj unë i ktheva faqen tjetër.
Edi Rama, Kryeministër
Ndër të tjera, Kryeministri Rama u shpreh se studentët kanë të gjithë të drejtën të protestojnë dhe se kanë të drejtë të jenë të acaruar sepse ata presin më shumë nga qeveria.
“U kam kthyer faqen tjetër sepse përvec formës dhe shfaqjes, ata kanë gjithë të drejtën të jenë të acaruar me ne, sepse nga ne presim shumë më tepër. Ndërsa nga të tjerët jo vetëm që nuk presin asgjë, por i kanë larguar tej vetes, i neverisin.”
Edi Rama, Kryeministër
Secili prej tyre në rrugën e Mninistrisë së Arsimit mund të ishtë fëmija im, i lindur pas komunizmit dhe i trazuar në cdo qelize të tij, tha Rama.
https://www.facebook.com/edirama.al/videos/428673281005005/?notif_id=1545905092885432¬if_t=live_video