Gazetari Elton Qyno ka zbardhur të tjera detaje në lidhje me Gilmando Danin dhe Muçi Shaljanin.
Në një prononcim për mediat, gazetari tha se mes tyre shoqëria ishte e hershme. Qyno theksoi se, Shaljani ka hyrë në radhët e AMP-së për të marrë stendën e ministrisë së Brendshme dhe lejen e pajisjes me armë që në momentin që shoqëron eksponentët e krimit të jetë i armatosur dhe të mos ketë pengesa në qarkullim.
“Që të dy kanë patur shoqëri të hershme dhe fakti që ky ka hyrë në radhët e AMP nuk ka hyrë për të bërë punën dhe për të goditur krimin në polici, por ka hyrë për të marrë stendën e ministrisë së Brendshme dhe lejen e pajisjen me armë që kur të lëvizin me eksponentët e krimit të jenë të armatosur dhe të mos kenë probleme në qarkullim.
Edhje Martinaj ka pasur Jeton Lamin qe e shëtiste. Çela ka pasur shefin e komisartit të Lacit që u arrestua. Po ashtu dhe policë të tjerë që bien në rrjetën e krimit që bëjnë dhe taksixhiun e këtyre individëve. Sot ishte lajm prezenca e tij por nuk ishte për tu çuditur. Pavarësisht se ministrja e trumbetoi që krimi ishte ulur dhe ka rënë por pas një ore erdhi goditja mafioze”, tha Qyno.