Gazetarja Aulona Musta nuk ngurron të shprehë hapur mendimin e saj kundër puthjes së fëmijëve në buzë sa herë që diskutohet kjo temë.
E ftuar tek “Rudina” këtë të premte, ajo tha se është kategorike kundër sëbashku me bashkëshortin e saj, dhe kjo “nuk është një tekë, nuk është një kapriço”.
Aulona Musta: Unë e kam shprehur gjithmonë dhe së fundmi u bë edhe një debat shumë i madh në lidhje me një deklaratë që bëra në lidhje me të puthurën në buzë. Pavarësisht se ajo ishte më e gjerë se sa vetëm e puthura në buzë. Jam kundër, kam lexuar shumë para se të bëhesha nënë dhe e kam thënë shumë herë që kam studiuar për psikologji, kam studiuar shumë sa i përket zhvillimit të fëmijës…po ashtu edhe fakti që kam punuar për shumë vite me Lira Gjikën më ka ndihmuar shumë të kuptoj pse fëmija nuk duhet të puthet në buzë. Nuk është një tekë, nuk është një kapriço. Pa dyshim që mund të të ndodhë, apo mund t’i ndodhë dikujt që në një moment të caktuar…
Rudina: Pra jo se nuk ndodh asnjëherë, apo jo?Aulona Musta: Personalisht nuk më ka ndodhur asnjëherë. Unë dhe bashkëshorti im jemi kategorikë në këtë gjë. Një herë Amarës i ka ndodhur me bashkëshortin, ishin duke luajtur dhe një ngatërresë koke duke u puthur dhe e puthi në buzë në vend që ta puthte në faqe dhe Amaris ishte: ‘iii babi çfarë bëre, më puthe në buzë, kjo është një gjë e ndaluar’. Dhe mua më pëlqen ky fakt, më pëlqen sepse e di që Amara do të reagojë nëse nesër pasnesër, larg o Zot, nëse do ndodhë që dikush të dojë të kalojë atë kufirin që ne ia kemi mësuar që nuk duhet të kalohet. Dhe e puthura në buzë është një gjë shumë intime, ne nuk puthim njerëz në buzë, ne kur takohemi nuk puthemi në buzë, ka një arsye se buza është një tregues i një marrëdhënieje intime.