Dhoma e Avokatisë në Durrës ka zhvilluar përgjatë ditës së sotme një protestë, ku dhe kanë lajmëruar bojkotim të seancave gjyqësore që nis nga dita e sotme dhe do të zgjasë deri më datë 7 të muajit Qershor. Shkak është bërë vendimi i kryetarit të Gjykatës së Shkallës së Parë Durrës për të mbyllur dyert për avokatët sa i përket hyrjes së tyre në ambientet e brendshme.
Kjo ka nxitur reagimin e Dhomës së Avokatisë, gjithashtu edhe avokatëve që janë pjesë e kësaj strukture përsa i përket masave që gjykata ka marrë për hyrjen e tyre në ambientet e brendshme duke bërë që të bojkotojnë deri më datë 7 Qershor të gjitha seancat, përveç atyre që lidhen me masat e arrestit, ku do të jenë të pranishëm.
Nga Dhoma e Avokatisë, kanë pohuar që ky vendim është marrë që prej 3 javësh nga Gjykata e Durrësit, ku këto të fundit detyrohen të qëndrojnë në ambientet e jashtme dhe të presin për çdo seancë bashkë me qytetarët duke mos i lejuar të futen në ambientet e jashtme. Sipas avokatëve, kjo nxit konfliktet mes qytetarëve dhe avokatëve që presin në ambientet e jashtme në kushtet e papërshtatshme.