Gjykata e Vlorës është një tjetër dëshmitare e katrahurës ndër vite me çështjet e pronave dhe zgjatjet me dekada të proceseve gjyqësore që nuk gjejnë një zgjidhje ligjore.
Sot kjo gjykatë ka pezulluar të gjitha proceset gjyqësore penale dhe civileduke trajtuar vetëm masat e sigurisë. Policia lokale ka verifikuar masat e sigurisë ndonëse me ambiente bosh.
Për kryetarin e Dhomës së Avokatisë së Vlorës, Durim Bajramaj, vrasja e gjyqtarit Astrit Kalaja në sallën e gjyqit dëshmon rënien e plotë të sistemit dhe reformave të dështuara që janë trumbetuar sikur do të jepnin drejtësi.
Avokati i indinjuar shprehet se vetëm në Shqipëri kjo klasë politike ka prodhuar ligje që u japin të drejtë të dy palëve që janë në një proces pronësie në gjykatë.
Në shenjë solidariteti me gjyqtarin e vrarë thuajse të gjitha gjykatat e juridiksionit të përgjithshëm në rrethet e vendit kanë pezulluar gjykimet.