Kryetari Grupit Parlamentar të Partisë Socialiste dhe njëkohësisht drejtuesi politik i qarkut Fier Taulant Balla së bashku me kryetaren e bashkisë Lushnje Eriselda Sefa kanë zhvilluar një takim me të rinjtë e këtij qyteti.
Balla u është drejtuar të rinjve që ta ndërtojnë Europën këtu në atdheun e tyre si dhe ta shohin politikën si një instrument të domosdoshëm për t’u përfshirë në vendimmarrje.
“Çdo i ri dhe e re duhet ta shohë politikën si një instrument të domosdoshëm dhe të pazëvendësueshëm për t’u përfshirë në vendim-marrje. Është e thjeshtë të thuash kjo apo ajo s’bën, ose kjo duhet ndryshuar, pa thënë si mund të bëhet më mirë. Nëse ke një ide për të ndryshuar gjërat në universitet, në komunitet apo në qytetin tënd duhet bëhesh pjesë e vendim-marrjes, mjaft më me atë shprehjen “s’dua të përfshihem”. Për ne shqiptarët dielli lind andej nga perëndon, por mos harroni duhet të vazhdojmë ta ndërtojmë Europën këtu në atdheun tonë. Partia Socialiste e Shqipërisë mbetet gjithmonë partia më e hapur dhe më mbështetëse ndaj të rinjve, të cilët shohin sot tek ne të vetmen fuqi transformimi”, theksoi Balla.
Ndërsa kryebashkiakja Sefa, njëkohësisht kandidate për zgjedhjet e 14 majit në bashkinë Lushnjë, tha se përfshirja e të rinjve në politike është domosdoshmëri për ndryshimin e vazhdueshëm dhe në mënyrë positive të forcave politike.
Energjia, vitaliteti, idetë e tyre i nevojiten shumë forcave tona politike si domosdoshmeri për të ndryshuar natyralisht e për tu vetëtransformuar në organizata që “prodhojnë” individe që duhet ti shërbejnë me përkushtim e profesionalizëm institucioneve publike në vendin tonë!