Zv/kryeministrja dhe ministrja Belinda Balluku këtë të hënë ishte në Xarrë të Sarandës, aty ku pa nga afër punën për ndërtimin e nënstacionit të ri elektrik.
Teksa ka postuar foto në Facebook, Balluku nënvizon se kemi të bëjmë me një projekt të rëndësishëm për të gjithë zonën që rrit sigurinë, kapacitetet dhe përmirëson cilësinë e shërbimit.
”Në Xarrë të Sarandës po punohet për ndërtimin e nënstacionit të ri elektrik. Një projekt i rëndësishëm për të gjithë zonën, që rrit sigurinë, kapacitetet dhe përmirëson cilësinë e shërbimit.
Investimi, i cili pritet të jetë gati në muaj të parë të vitit të ardhshëm, adreson kërkesat e banorëve dhe bizneseve të zonës duke ju përgjigjur edhe zhvillimit të saj. Punë konkrete në shërbim të qytetarëve”,-shkruan Balluku.