Pas banorëve të Selitës në rrethin e Mirditës, janë banorët e tre fshatrave në njësinë administrative të Derjanit, në rrethin e Matit, që kundërshtojnë ndërtimin e një HEC-i.
Banorët e fshatrave Gjocaj, Dukagjin e Zallë Gjocaj kanë nënshkruar një peticion me 150 firma dhe ia kanë adresauar atë Ministrisë së Infrastrukturës dhe Energjitikës, Prefektit të Dibrës dhe Bashkisë Mat.
Sipas nënshkruesve të këtij peticioni, ndërtimi i HEC-it duke shfrytëzuar lumin e Flimit, që buron në malet e Zallë Gjocajve, i shkaton dëme serioze ekonomike dhe ekologjike kësaj zone.
Të martën banorët kanë paralajmëruar një protestë paqësore në sheshin “Ahmet Zogu”, afër Bashkisë Mat, duke synuar sensibilizimin e autoriteteve shtetërore për të ndaluar masakrën në Parkun Kombëtar të Zallë Gjocajve. / tirananews.al/