Ish-kreu i PD-së, Lulzim Basha, ka zhvilluar një takim me strukturat e PD Shkodër. Ai u prit nga kreu i PD-së në Shkodër, Xhevdet Amuli, dhe ish-kandidati për bashkinë Shkodër, Xhemal Bushati.
Gjatë fjalës së tij Basha tha se ai e dha dorëheqjen edhe mbajti përgjegjësin për gabimet e tij, ndërsa shtroi pyetjen se kush do e bëjë të njërën gjë Berisha. Ai tha se Berisha për interesat e tij familjare ka nxitur dhunën dhe përçarjen në parti.
Lulzim Basha e quajti vendimin e Gjykatës i cili njohur Komisionin e Rithemelimit, ilegjitim, duke u shprehur se drejtësia do e nxjerrë zbuluar paligjshmërinë e këtij vendimi.
“PD është në një krizë për shkak të propogandës që po bëhet. E ardhmja ime është e ardhmja e përditshme e çdo shqiptari, të qëndrojmë fort për vlerat e parimet. Kam bërë shumë gabime por jo faj. Shqiptarët jetojnë në skllavëri moderne dhe mposhtja e sistemit është qëllimi kryesor,” tha Basha.
Lulzim Basha shënjestroi drejtpërdrejtë Berishën, duke u shprehur se PD nuk ecën dot përpara me të.
“PD nuk bën dot para me ‘Non-Gratat’ dhe propogandën, pa e parë të vërtetën në sy. Me 6 mars propaganda dhe regjimi mund të kenë sjellë blerjen e votave për shkak të varfërisë,” u shpreh ai.
Lulzim Basha shtroi pyetjen retorike pwrballw gazetarwve, se pas dorëheqjes së tij nga kreu i PD-së, tha se se çfarë hapash janë parë apo marrë nga ana tjetër që krijoi përçarjen në PD, për interesa të familjes.
“Kur erdhën me mjete të dhunshme, kishim 2 rrugë, ose largim ose marrja e çdo mase që të mos cënohej asnjë demokrat. Kur do e marri përgjegjesinë e tij Sali Berisha për të çliruar nga ngërçi PD-në dhe që të eci përpara? Ai flet për bashkimin dhe i fryn përçarjes,” u shpreh ish-kreu i PD-së.
Ai shtoi më tej se nuk do të heq dorë nga përgjegjësia e tij edhe pas dorëheqjes, dhe se PD duhet të kthehet në alternativë për njerëzit, jo një strehë as për Lulzim Bashën e as për Sali Berishën as për ndonjë tjetër.
I pytetur nëse u takua edhe me deputetët e Shkodrës, Basha tha se ishte vetë i ftuar në këtë organizim dhe se me ata është takuar e vazhdon të takohem në Parlament.
Ndërsa më tej, lidhur me frikën nga një përballje me Berishën, pas mungesës së tij në mbledhjen e grupit parlamentar, Basha u shpreh se fjalës frikë ja ka dhënë me kohë me përgjigjen.