Lulzim Basha bashkë me kandidatin Saimir Lika zhvilluan një takim me fermerë në Pezë Helmës në Tiranë. Basha foli për bujqësinë. Sipas tij parashikon 100 milionë euro subvencione në vit për fermerët dhe 50 milionë euro për infrastrukturën bujqësore.
”150 milionë euro në vit. 100 milionë subvencione, 50 milionë euro për infrastrukturën. Pse s’i ka shteti këto, sigurisht që i ka. Vetëm vitin e kaluar nga taksat e shqiptarëve kanë harxhuar 7.2 miliardë, dhjetëra qindra herë më shumë.
Duke e kthyer vëmendjen tek subvencionet, tek infrastruktura rurale, ne e kthejmë shpresën që ju të jetoni me ndershmëri e me dinjitet, në vendin tuaj, në shtëpinë tuaj, me tokat tuaja, me djersën tuaj.
Se subvencioni çfarë bën, zeron koston e fidanëve, të farave, të plehrave, të pesticideve, të plugimit. Gjitha çfarë vjen si vlerë e shtuar që shisni produktin në treg, vjen si fitim për ju”, u shpreh Basha.