Koalicionin “Bashkë Fitojmë” kërkon rinumërimin e votave në të gjitha qendrat e votimit të Bashkisë së Belshit.
Ata pretendojnë se nga të dhënat në tabelën e rezultatit rezulton që diferenca ndërmjet kandidatëve është disafish me e vogël se numri i votave të pavlefshme në këtë njësi, i cili është 229 vota.
Koalicioni ka kërkuar që të ribëhet procesi i numërimit në të gjithë Qendrat e Votimit të bashkisë Belsh.
“Në përfundim Komisioneri Shtetëror i Zgjedhjeve shpalli kandidatin fitues, z. Arif Tafani me një diferencë prej vetëm 40 vota. Por nga të dhënat në tabelën e rezultatit rezulton se diferenca ndërmjet kandidatëve është disa fish me e vogël se numri i votave të pavlefshme në këtë njësi i cili është 229 vota. Jemi të bindur, bazuar në prova dhe fakte të pakundërshtueshme, se periudha para dhe zgjedhore u shoqërua me shkelje të ligjit, të cilat cenuan rëndë procesin zgjedhor në një masë të tillë që ndikoi drejtpërdrejtë në ndarjen e mandatit”, thuhet në ankimim.