Krejt ndryshe nga vitet e tjera, këtë sezon bashkia e ka çelur sezonin turistik me aktivitete të ndryshme për të ardhur tek koncerti i këngëtarit të kosovar, i cili ka mbushur sheshin “Rilindja” të qytetit të Ersekës.
Për më shumë se 90 minuta Ylli Limani ka performuar për banorët repertorin me të mirë të tij.
Sipas kryetarit të bashkisë Kolonjë Erion Isai, qyteti i Ersekës dhe fshatrat turistike të kësaj bashkie kanë rritur kapacitetet akomoduese për të pritur më shumë turistë vendas e të huaj.
Në koncertin e dhënë mbrëmjen e djeshme të shumtë ishin ata që kishin ardhur nga Korça dhe Pogradeci por dhe kolonjarë të cilët jetojnë e punojnë në Greqi.
Vitin e kaluar kanë qenë mbi 50.000 turistë vendas e të huaj ndërkohë që zyrtarisht nisur nga rezervimet pritet që ky vit të ketë më tepër turistë.
